Sagnagarður

Í Sagnagarði í Gunnarsholti er sögu gróður- og jarðvegseyðingar á Íslandi gerð skil í máli og myndum. Sagt er frá baráttu við afleiðingar eldgosa og óblíð náttúruöfl. Saga frumherjanna í landgræðslu er rakin og barátta þeirra við vantrú almennings. Greint er frá 100 ára sögu landgræðslustarfs á Íslandi og lýst helstu verkefnum í endurheimt landgæða og vistkerfa, gróðurvernd og alþjóðlegu samstarfi. Í Sagnagarði er góð aðstaða til þess að taka á móti litlum og stórum hópum.

Sagnagarður er einungis opinn fyrir hópa (10 manns eða fleiri). Panta þarf leiðsögn með fyrirvara og greiða fyrir hana samkvæmt eftirfarandi gjaldskrá: Fullorðnir (18 ára og eldri) kr. 1500, eldri borgarar (67 ára og eldri) kr. 750, nemendur kr. 750. Börn (12 ára og yngri) greiða ekki aðgangseyri.

Greiða þarf fyrir leiðsögn með beiðni eða reiðufé. Ef greitt er með peningum þarf að greiða fyrir alla í einu og verður fararstjóri að annast söfnun aðgangseyris hjá hópnum.

Vinsamlega sendið fyrirspurnir varðandi Sagnagarð á netfangið sagnagardur@land.is eða hringið í síma 488 3000 til fá nánari upplýsingar.

Viltu senda okkur ábendingu eða athugasemd?