land.is
Landgræðslan

Fræframleiðsla

Heim » Viðfangsefni » Hringrásir og nýsköpun » Fræframleiðsla

Frærækt og fræverkun

Meginhlutverk fræverkunarstöðvar Landgræðslunnar í Gunnarsholti er frærækt og fræverkun tegunda til uppgræðslu. Landgræðslan hefur starfrækt fræverkunarstöð í Gunnarsholti frá árinu 1988. Meginhlutverk hennar er frærækt og fræverkun tegunda til uppgræðslu. Tvær tegundir eru í framleiðslu: melgresi (Leymus arenarius) og túnvingull (Festuca richardsonii).  

Fræakrar

Fræakrar fyrir ræktun túnvinguls eru allir í Gunnarsholti. Melgresi er ekki ræktað á ökrum en melfræi er safnað af strandsvæðum sunnanlands.

Fræöflun og verkun

Fræöflun fer fram síðla sumars og fram á haust þegar fræþroski nær hámarki, en þó áður en náttúruleg frædreifing hefur átt sér stað. Túnvingull þroskast í lok ágúst, en melgresi þroskast seinna og stendur melsláttur oft langt fram í september. Fræinu er safnað með þreskivélum eða þar til gerðum melsláttuvélum (melgresi). Þegar í hús er komið, þarf að þurrka og hreinsa fræið.

Gæðaeftirlit

Áhersla er lögð á gæði fræframleiðslunnar og innra gæðaeftirlit. Sýni eru tekin reglulega og frægæði metin samkvæmt alþjóðlegum stöðlum. Hlutfall spírandi fræs er rannsakað með spírunarprófum. Skýrar verklagsreglur um meðhöndlun fræsins stuðla að hámarksgæðum þess og rafrænt birgðabókhald tryggir rekjanleika fræsins (uppruna og meðhöndlun) og réttar merkingar. Rannsóknastofa Landgræðslunnar heldur utan um allt gæðaeftirlit með fræi. Að auki veitir rannsóknastofan þjónustu til aðila sem selja fræ og gerir á þeim spírunarpróf og hreinleikapróf.

Túnvingull Festuca richardsonii

Túnvingull (Festuca richardsonii). Teikning: Fífa Jónsdóttir

Magnús H. Jóhannsson

Vinnur að rannsóknum og verkefnum tengdum nýsköpun og hringrásum s.s. virkni og notkun landgræðslutegunda, áburðarnotkun og uppgræðslutækni.

Anne Bau

Sinnir verkstjórn aðstoðarfólks á rannsóknastofu og í felti. Hefur umsjón með spírunarprófunum.