„Hagagæði“ er samstarfsverkefni Félags hrossabænda og Landgræðslu ríkisins, um landnýtingu og úttektir hrossahaga. Stofnað var til verkefnisins á yfirstandandi ári. Hagagæði eru að nokkru leyti framhald af landnýtingarþætti Gæðastýringar í hrossarækt, sem varð til árið 2000. Gæðastýringin var lögð niður á árslok 2016. Verkefnið er í umsjá Landgræðslunnar og annast starfsfólk hennar úttektir á beitarlandi þátttakenda.

Megintilgangur Hagagæða er: að tryggja sjálfbæra nýtingu beitarlands, að tryggja velferð hrossa og auka ábyrgð landnotenda sem vörslumanna lands. Einnig að auka umhverfisvitund landeigenda og landnotenda.

Þátttakendur geta orðið hrossabændur og aðrir, sem halda hross í atvinnuskyni eða til brúkunar í tómstundum. Einnig sveitarfélög og hestamannafélög, sem eiga eða hafa umsjón með hrossabeitarhólfum til almenningsnota. Þá eru stóðhestahólf sérstök úttektareining og boðið er upp á vöktun á beitarástandi þeirra.

Miklu skiptir að beitarnýting hrossabænda sé sjálfbær og þeir, sem standast úttektarkröfur Hagagæða fá það viðurkennt opinberlega. Slík viðurkenning er í takt við kröfur nútímans um góða umgengni um land og gróður og vekur athygli á þátttakendum verkefnisins og starfsemi þeirra.

Eðli málsins samkvæmt er fyrsta starfsárið, eins konar tilraunaár. Á næsta ári verður farið yfir reynsluna af verkefninu og úttektarreglur og aðrir þættir verkefnisins endurskoðaðir og gerðar breytingar, ef þurfa þykir. Lagt var upp með að þátttakendur í fyrrum landnýtingarþætti Gæðastýringarinnar yrðu sjálfkrafa þátttakendur í Hagagæðum, enda stæði vilji þeirra til þess og beitarland viðkomandi uppfyllti úttektarkröfur verkefnisins.

Árið 2016 voru 40 bú þátttakendur í landnýtingarþættinum. Tvö þeirra eru ekki með í Hagagæðum en sex ný bú stóðust úttektarkröfur og gerðust þátttakendur í verkefninu. Samtals eru því 44 þátttakendur í Hagagæðum á fyrsta starfsári verkefnisins.

 

    Árið 2017 stóðust eftirtalin hrossabú úttektir vegna landnýtingar

    1. Sauðanes Ágúst M. Ágústsson/Steinunn Halldórsdóttir Norður-Þingeyjarsýsla
    2. Bakki, Svarfaðardal Þór Ingvason Eyjafjarðarsýsla
    3. Bringa Bringa ehf. Sverrir Reynir/Guðbjörg Jóna Eyjafjarðarsýsla
    4. Hólsgerði Brynjar Skúlason/Sigríður Bjarnadóttir Eyjafjarðarsýsla
    5. Jarðbrú Þorsteinn Hólm Stefánsson/Þröstur Karlsson Eyjafjarðarsýsla
    6. Litla-Brekka Vignir Sigurðsson Eyjafjarðarsýsla
    7. Ásgeirsbrekka Jóhann Ingi Haraldsson Skagafjarðarsýsla
    8. Enni Haraldur þ. Jóhannsson/Eindís Kristjánsdóttir Skagafjarðarsýsla
    9. Flugumýri II Flugumýri ehf. Anna Sigurðardóttir Skagafjarðarsýsla
    10. Hafsteinsstaðir Skapti Steinbjörnsson/Hildur Claessen Skagafjarðarsýsla
    11. Hólar í Hjaltadal Hólaskóli Skagafjarðarsýsla
    12. Hverhólar Freysteinn Traustason/Birna S. Hafsteinsdóttir Skagafjarðarsýsla
    13. Íbishóll Íbishóll ehf, Magnús Bragi/Elisabeth Jansen. Skagafjarðarsýsla
    14. Kálfsstaðir Ólafur Sigurgeirsson/Sigríður Björnsdóttir Skagafjarðarsýsla
    15. Nautabú Karen Steindórsdóttir/Eyjólfur Þórarinsson Skagafjarðarsýsla
    16. Tunguháls II Þórey Helgadóttir Skagafjarðarsýsla
    17. Víðidalur/Kirkjuhóll Pétur Stefánsson Skagafjarðarsýsla
    18. Ytra-Skörðugil Ingimar Ingimarsson Skagafjarðarsýsla
    19. Ytra-Vallholt Vallholt ehf. Björn og Harpa Skagafjarðarsýsla
    20. Geitaskarð Íslensk hrossarækt Austur-Húnavatnssýsla
    21. Hof í Vatnsdal Jón Gíslason/Eline Schrijver Austur-Húnavatnssýsla
    22. Hólabak Björn Magnússon Austur-Húnavatnssýsla
    23. Steinnes Magnús Jósefsson Austur-Húnavatnssýsla
    24. Auðunnarstaðir I Júlíus G. Antonsson Vestur-Húnavatnssýsla
    25. Stóra-Ásgeirsá Elías Guðmundsson/Magnús Á. Elíasson Vestur-Húnavatnssýsla
    26. Ytri-Þóreyjarnúpur Þórey ehf/ Gerður Hauksdóttir Vestur-Húnavatnssýsla
    27. Þóreyjarnúpur Þóreyjarnúpshestar ehf/Halldór G.Guðnason Vestur-Húnavatnssýsla
    28. Hjarðarholt Þorvaldur T. Jónsson/Hrefna B. Jónsdóttir Mýra-og Borgarfjarðarsýsla
    29. Lundar II Sigbjörn Björnsson Mýra-og Borgarfjarðarsýsla
    30. Oddsstaðir I Sigurður O. Ragnarsson/Guðbjörg Ólafsdóttir Mýra- og Borgarfjarðarsýsla
    31. Ölvaldsstaðir IV Guðrún Fjeldsted Mýra-og Borgarfjarðarsýsla
    32. Hömluholt Gísli Guðmundsson Snæfellsnessýsla
    33. Auðsholtshjáleiga/Grænhóll Gunnar Arnarson Árnessýsla
    34. Hólar í Árborg Ímastaðir ehf/Einar Hallsson Árnessýsla
    35. Hraun I Hrafnkell Karlsson Árnessýsla
    36. Hvoll I Ólafur H. Einarsson Árnessýsla
    37. Litlaland Sveinn Steinarsson Árnessýsla
    38. Árbæjarhjáleiga Kristinn Guðnason/Marjolijn Tiepen Rangárvallasýsla
    39. Ásborg Eydís Þ. Indriðadóttir Rangárvallasýsla
    40. Fet/Lindarbær Fet ehf Rangárvallasýsla
    41. Hemla Vignir Siggeirsson/Lovísa Ragnarsdóttir Rangárvallasýsla
    42. Kirkjubær Kirkjubæjarbúið/Ágúst Sigurðsson Rangárvallasýsla
    43. Oddhóll Sigurbjörn Bárðarson Rangárvallasýsla
    44. Vakursstaðir Valdimar og Hjörtur Bergstað Rangárvallasýsla

    Viltu senda okkur ábendingu eða athugasemd?